នារសៀលថ្ងៃទី៣០ ខែកញ្ញា ឆ្នាំ២០២២ អគ្គលេខាធិការដ្ឋានព្រឹទ្ធសភា សហការជាមួយសមាគមអ្នកស្រាវជ្រាវវឌ្ឍភាពកម្ពុជា-ចិន រៀបចំពិធីបាឋកថា ឈ្វេងយល់អំពីការបង្កើតសាធារណរដ្ឋប្រជាមានិតចិន និងការចែករំលែកគម្រូភាព នៃភូមិមិត្តភាពកម្ពុជា-ចិន នៅសាលសិក្ខាសាលាបណ្ណាល័យព្រឹទ្ធសភា។ អង្គពិធីប្រព្រឹត្តទៅដោយមានមតិស្វាគមន៍ដោយលោកស្រី កែវ វណ្ណារិទ្ធ ប្រធានបណ្ណាល័យព្រឹទ្ធសភា ការធ្វើបទបង្ហាញស្តីពីវីរភាពរបស់ថ្នាក់ដឹកនាំចិន ក្នុងការបង្កើតសាធារណរដ្ឋប្រជាមានិតចិន ដោយលោក Wu Chuanbing ទីប្រឹក្សាស្ថានទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា បទបង្ហាញស្តីពី ការចែករំលែកគម្រូភាព នៃភូមិគម្រូមិត្តភាពកម្ពុជា-ចិន ដោយលោកស្រី ឃុន សុវណ្ណនេត្រា ប្រធាននាយកដ្ឋានអភិវឌ្ឍន៍ធនធានមនុស្ស និងមានការចាក់បញ្ចាំងខ្សែវីដេអូ ស្តីពី ដំណើរទស្សនកិច្ចភូមិគម្រូមិត្តភាពកម្ពុជា-ចិន និងវីដេអូស្តីពីវីរភាពរបស់ថ្នាក់ដឹកនាំចិន ក្នុងការបង្កើតសាធារណរដ្ឋប្រជាមានិតចិន ព្រមទាំមតិបូកសរុបរបស់លោកបណ្ឌិត ជា មុនីឫទិ្ធ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន៕
ប្រភព៖នាយកដ្ឋានព័ត៌មាន
